可以改变你一生命运的系二线股（明日的蓝筹股），唔系今天的蓝筹股，策略系「狠、忍、准」，一旦睇得准，便要忍，一如鲨鱼（死咬住唔放）般狠！
－－2007年10月5日, 敲敲冷马又如何
千变万变最后离不开真实，就系P/E八到十二倍系偏低、十二倍到十八倍合理、十八倍到二十二倍偏高，一旦超过二十二倍，便必须企业纯利保持高增长（例如连续几年每年纯利上升30％或以上），而上述情况通常唔能够维持超过三年，亦系泡沫由形成到爆破好少超过三年的理由。
－－2007年10月8日, 龙卷风吹起大笨象
投资二线股策略系Double或亏损15％离场，但唔好感情用事。胜败乃兵家常事，千万不可有输唔起心态。
－－2007年10月12日, 港股成吸金机器
人人皆知掷银币最后结果一定系50％公、50％字。非理性投资者可以不断掷银仔，加上严守止蚀唔止赚，令赢面提升至75％；反之，理性投资者因担心输而唔掷，最后忍唔住手才掷，输的机会同样系50％。
－－2007年10月15日, 太理性坐失良机
我老曹一早已发现财富获得唔系来自辛勤工作，而系来自聪明投资策略。
－2007年10月20日, A股基民抢购QDII基金
赚大钱需要的环境，就系股价在合理价（normal range）之外上下摆动，情况有如河流在暴雨之后暴涨一样澎湃，但堤坝面临河水暴涨带来威胁，一旦崩堤便成灾。
－－2007年10月23日, 赚咗指数唔赚钱
太早睇淡或太早睇好都系死罪，Timing is everything。
－－2007年10月25日, 有机会重返50天线
我老曹1968年年底入行至今快三十九年矣，请问股市几时有「理性」过？股价从来唔系偏高就系偏低，往往在Boom & Bust之间来回摆动。
－－2007年11月1日, 好，仲有更好！
成功与失败、赚钱与亏损往往只系一线之差，一切由小小一个洞察力（insight）开始，就系过去三十年我老曹一再强调要洞烛先机，而唔系勤力过人。
－－2007年11月2日, 美国出现三低三高
市场往往由一个极端走向另一极端，并冇合理价。
－－2007年11月7日, 美国好快第三次减息
愈想赚钱的人愈冇钱赚（财不入急门）。做股票要耐得住寂寞，唔跟风，自己做功课，完成功课后等候安全价才击，坚守止蚀唔止赚原则。
－－2007年12月3日, 快快快火烛车到埗
作为投资者应在泡沫产生期加入，成长期持有，胀大期获利回吐，然后加入另一泡沫产生期。
－－2007年12月4日, 大行嗌Sell啼笑皆非
唔好睇少二线股壮大速度:滴水可成洋、聚沙可成塔。今天蓝筹股都由过去二线股开始。
－－2007年12月6日, 次按明年第二季解决
追随趋势，寻找纯利进入高增长期的股份，才系最佳投资策略。股市内的悲剧系大部分投资者皆忽略趋势，只睇走势，往往赚粒糖、输间厂。
－－2007年12月20日, 人多嘅地方唔好去
股票市场系20╱80游戏，即20％投资者赢80％投资者钱的地方，如果你唔系20％胜利者，就系80％失败者。
－－2008年1月17日
市场一向无大小（冇大户与小户）之分，只有醒目资金同愚蠢资金之分。
－－2008年2月4日, 鼠年要在波动市搵食
食有时，睡有时；投资有时，不投资亦有时。每年一定有一个购买点及一个沽售点。今时今日只有耐心等候购买点出现，不然只是盲动。
－－2008年2月22日, 耐心等候购买点
别人恐慌时你贪心，别人贪心时你恐慌，唔做好友、唔做淡友，只做炒友（Trader）！
－－2008年4月14日, 三先策略
愈接近升市尾声，投资者投入的资金反而愈多，结果将大部分利润输掉。
－－2008年5月13日, 大尾巴作怪
散户最终命运系散晒。
－－2008年2月1日, 累股票据累死你
面对次按危机、金融海啸，Don't Get Mad－Get Rich！1974年本港出现超级大熊市并冇将我老曹击倒，1987年股灾同样冇将我老曹击倒，1997年亚洲金融风暴亦一样冇将我老曹击倒，反而日后更 富贵。面对风暴，投资者可以down唔可以out！今时今日90％投资者都有损伤，有人伤重D，有人伤轻D，此乃无法避免之事，但千万不可out！一旦out，咁就一世。人生在世，最后一场战争才决定胜负，未打完最后一场仗，谁知输赢？－－2008年11月20日
财富唔系从天而降，而系「贝」加「才」。最先嘅「贝」系一分一毫累积下来，至于「才」系通过不断学习、不断失败，从中吸收返嚟。有咗「贝」，配合自己嘅「才华」，自然发大财。至于「财」为何失去？通常因为「骄傲」与「自大」。骄傲令你睇唔清前景（Pride comes before failure！），作出错误决定。自大令你唔肯承认自己所犯错误（我点会睇错？），让小错变成大错，大错再变成无可挽回。收起你嘅骄傲，前景立即清晰；收起你嘅自大，便会承认自己睇错，睇错市止蚀，最多亏损本金15％，有乜大问题?!
主宰你嘅唔系命运，而系性格！如何收心、如何养性？请严守纪律，保持谦卑之心，咁就无往而不利。希望各位随势盛而加入，随势落而退出；响过程中学会运用策略，做到攻守有据，不盲动、不跟风；最后收心养性，做一个严守纪律及谦卑嘅投资者。
No comments:
Post a Comment