有銀唔敢投資

官員預告通脹急跌
國家發改委價格司副司長周望軍預告好消息，話今年1月份通脹率(CPI)同比升4.5％，高於市場預期，其中包含了3個百分點的翹尾因素(去年基數低)，春節與元旦同在一月，造成了節日性因素，加上天氣寒冷，影響了農產品價格。2月份CPI指數將會有明顯下降，因為2月份翹尾因素減少，食品價格正在逐步下降，佢估2月份CPI甚至可以達到3％左右，這是20多個月以來第一次可能回落到這個水平，上半年可能就會在這個水平徘徊。通脹急降後市場會預期阿爺放水空間增大，利好股市。
　　
一向好牛的高盛女股神科恩再度看好美股後市，話愈來愈多美股投資者不再做旁觀者，開始投資股市，星期二杜指跌200點只是「例外情況」。
　　
雖然高盛唔同人睇淡港股睇好美股並無矛盾，但若美股唔大跌，我又睇唔到港股可以跌好多喎。可唔可以咁講，即使港股彈完再跌，都唔係大插特插那一種，長線投資者若唔係揸咗好多貨，唔使急急腳沽。而家環球的問題係有錢無處可投，你睇股王蘋果富可敵國，手頭有976億美元現金(7612億港元)，比去年同期增加了63%，但唔係有咁多地方畀佢投資，而家股東就叫佢唔投資不如增加派息或回購。女股神科恩話佢認為美股超值，話美國標普500指數現價已計入未來5年企業盈利每年跌7%，實際上發生呢種事的機會唔大，佢認為市場太怕風險過份緊張。