美股後市頭痛又頭痕

唔知11月後邊個做美國總統；如麥凱恩獲選，因共和黨唔能夠控制國會，麥凱恩需要好努力先至可以延長殊仔嘅減稅方案；反之，奧巴馬上台，佢唔使做任何嘢，殊仔減稅方案2009年12月31日到期，2010年稅率自動上升。例如股息稅及資本增值稅由2003至07年只有15％，其後延長兩年，2009年12月到期後，股息稅重返35％，資本升值稅20％（實際上2009年1月1日起已生效，因為2009年收入喺2010年要畀稅）。

至於年收入102000美元以上嘅美國家庭，奧巴馬希望增加入息稅7％，向富人抽稅補貼窮人，結果只令經濟停滯不前，並唔係解決社會唔公平嘅良方。