中金公司首席經濟學家哈繼銘表示，今年越南多項經濟指標已亮起紅燈，貨幣危機一觸即發。5月份通脹率已達25.2％，5月19日央行將基準利率由8.75厘調升至12厘，銀行貸款利率上升到18厘，仍遠低於通脹率，未能有效控制通脹預期。今年1月至5月貿赤144億美元，外債規模已達240億美元，相等於GDP 30.2％，政府財赤已超過GDP 5％危險線。越南盾今年3月至上周五兌美元貶值2.7％，十二個月期貨較現貨低30％；越南股市今年跌55％。上周惠譽將越南主權評級展望由「穩定」改為「負面」。依家越南情況已同東南亞國家1997年面對亞洲金融危機前差唔多。
《廣州日報》報道，4月份中國外儲備增長744.6億美元，扣除貿易順差及外商直接投資後，不能解釋外流入高達501.8億美元。呢500億美元相信有唔少流入內地房地產及股市，部分則存入銀行。換言之，流動性過剩問題到今年4月仲未解決。由於投機者認為人民幣可見六算，人民幣出現1美元兌6元人民幣前，熱錢仍會流入，估計家熱錢規模已經達6500億美元。冇人知道呢筆資金幾時會流出，一旦出現，將嚴重威脅國內經濟同金融市場穩定性。
1952年美國家庭流動資產係負債250％（即手上現金或隨時可變現投資達負債250％），到去年卻回落到70％（即手上現金或隨時可變現投資係負債金額70％）。美國家庭手上流動資產減除負債最高峰係1990年，達淨流動資產1萬億美元以上；最差係2006年，為淨負債3萬億美元。1990至2006年美國到底發生乜事，令美國家庭由淨流動資產變成淨負債？就係因為次按日漸流行，愈愈多人借錢買樓，美國人從樓價上升中賺錢去消費。到2006年下半年美國樓價唔再上升，去年出現次按危機，鐘擺又由一邊擺向另一邊，長達十七年，由次按支持引發樓價上升潮結束，各位信唔信短期內可以解決？加上美國戰後嬰兒潮開始進入退休潮，愈愈多美國人賣樓套現。從呢個角度睇，美國樓價由2006年下半年開始調整唔會不久將來結束。
索羅斯認為，英國樓按情況較美國更差，依家先開始回落，對英國銀行影響較去年對美國銀行影響更大。英國家庭負債係個人收入148％（美國係125％），而英國金融業佔英國經濟8.5％（美國佔7.5％），加上英國政府決定向外國人抽稅，令唔少高收入外國人打算離開倫敦去蘇黎世，將進一步推低倫敦樓價。
Oppenheimer & Co銀行分析員Meredith Whitney去年曾提出警告，美國樓價回落遲早影響美國銀行。佢最近接受彭博TV訪問認為，另一場信貸危機快將開始。呢次係美國消費項目再次打擊美國銀行業，理由係銀行將信用卡貸款證券化後市場出售。過去消費者唔使擔心信用卡還款能力（因樓價上升，未能支付信用卡貸款亦可轉為樓按──本港亦漸漸流行矣）。信用卡貸款不但息高，而且呆賬率唔高。依家樓價回落，美國人信用卡貸款再唔能夠輕易轉為樓按貸款，8000億美元信用卡貸款點樣處理？
No comments:
Post a Comment