大市連跌三日後，昨日跟隨外圍作出反彈，本欄早前曾提及若大市出現調整， 20400點應是極地，前日期指開市時就曾到這範圍附近一遊，筆者這兩日亦按計劃繼續增持，雖然現階段唔可以話已經完全脫險，但前日低開後大市已見有資金趁低吸納個股，而昨日個股升勢雖然唔算特別強勁，但勝在升得全面，顯示市場資金實際上仍然非常充足，投資者戰意亦足夠，變相增加博見底的值博率。
大市料完成調整近日有不少市場人士話中期調整已經開始，大市調整難言完結，更甚者有人話早前的一輪升市只屬熊市中期反彈，現在應是另一輪大跌浪的開始，不過，筆者則認為大市前日已完成調整，當然唔係全無風險，因為執筆時希臘與私人債權人的換債計劃尚未達標，不過以昨日股市及滙市的表現，市場似乎唔係太驚，如果可以過到，見底機會將更高，早幾日大市去完南極，相信係時候去返北極。內地消息方面，據《中國證券報》報道，人力資源和社會保障部部長尹蔚民表示，在整個養老金投資運營方案沒有確定前，會選擇個別省市進行投資運營試點，兩會後開始運作。
養老金入市的消息已傳了多時，現時仍存在很多不確定性，不過，過去一段時間已有數位官員提及，所以筆者相信中央確有讓養老金投入股市的意思，只係細節尚要敲定，養老金入市的意義並不在於有幾多錢會進入市場，而是代表中央認為經過幾年調控後，股市現時已有相當的安全邊際，內地的投資環境應會比過去幾年好。
港股過去一段日子常因內地股市欠缺表現而被拖後腿，以致跑輸外圍股市，今年可否爭一口氣？在上大人的帶領下，士佳認為是樂觀的。
No comments:
Post a Comment