通脹市股票為王

联储局主席伯南克对经济前景的睇法较为谨慎，他昨日在纽约举行的演说中表示，银行缩减借贷和疲弱的劳工市场这两个经济「逆风」(economic headwinds)，可能阻碍美国经济的复苏步伐，这继续保证了低借贷成本。佢话「重要的经济挑战仍然存在，资金流动仍受限制，经济活动疲弱和太高的失业率，未来经济仍有可能出现挫折(setbacks)。」他的讲话增强了投资者对于利率将长期维持在低水平不变的预期。

全球两个最有钱的人股神巴菲特(Warren Buffett)和微软创办人盖茨(Bill Gates)上周四在哥伦比亚大大学商学院MBA学生的讨论会上同场现身，两人皆认为，金融危机已过，资本主义制度仍然有活力。股神去得更尽，话揸住现金系最差的投资。

两人讨论投资前景时，盖茨话投资环保能源和医药都有理想前景，令人奇怪的是盖茨无话佢自己从事的科技行业系理想投资之地。不过美国进行万亿美元医疗改革，加上全球暖化令环保能源紧缺，这两个行业得到盖茨青睐并不令人意外。

同场的巴菲特刚作出260亿美元的「豪赌」，收购Burlington Northern Santa Fe铁路公司，哥大MBA学生都想听吓呢个50年代毕业的师兄点解下咁大赌注，股神话：「金融恐慌过去了…股市已经见底，不要错过今天的投资机会。」他向哥大学生提供投资贴士，话学生选择正确投资目标，就如搵个好的结婚对象一样(咁难?)，「揸住现金是最糟糕的投资」。

股神在海啸前为公司储起440亿美金，忍手不投资高风险但有AAA级的打包按揭证券，为的是等灾难到来后执平货。佢被问及美国如今失业率10.2%，今年的股票是否升得太高时话:「一个恐怖的经济、一个恐怖的市场是你的朋友，如果你只看今天的经济，去决定买卖股票，你会犯下恐怖的错误。」

79岁的巴菲特有一个长久信念，就系经济和股市有周期起跌，但最后股市都死唔去，长线揸股票好过揸现金好多。巴菲特自己下重注买铁路公司Burlington，再三强调揸现金好笨，佢好明显系买紧经济复苏。从美国人的角度，呢个复苏虽然好慢，甚至有相当波折，但都系一个向上而唔系向下的股市。

新兴国家如中国经济都已强劲复苏，但欧、美仲未系好掂，所以令整体经济感觉唔太好，但股神一句用今天的经济坏数据去决定买卖股票会犯下「恐怖的错误」，值得揸好多现金的朋友深思，在一个通胀的市场中，揸现金就系输家。最怕而家过份保守者一路唔揸股票，到个市升到好颠时才忍唔住入番市接火棒，赢就无赢到，输要跟人输，咁就系双重灾难啦。

美國財蓋特納昨日呼籲銀行「恢復借貸業務」，並稱小企業面臨的緊張信貸環境將令經濟復蘇放緩。佢話，「若美國家庭和小企業無法獲得更多信貸，增長勢頭將會減弱，企業將推遲長期投資計畫，由民間需求引領的自我持續復蘇也因此無法實現。」還建議銀行利用政府提供的資金來增加信貸。另外，FDIC董事長貝爾則鼓勵銀行提供「優質」的商業地產貸款。金融股造好，帶領美股中午由低位反彈，金融股上漲0.9%，KBW銀行股指數上漲了1.4%。美銀漲 3.7%，係逆市中嘅升市冠軍。
　　
早兩日講到股神話揸現金是災難時，諗吓篇文個題叫乜嘢，想到「通脹市股票為王」這個標題時，心中響起一些問題，呢個題會唔會大唱好股票呢? 呢個題會唔會鼓勵咗網友在太高位入市呢? 呢個題會唔會太睇好呢? 總之問題多多。
　　
但回心一想，我在今年年頭、年中、年中後都講過，今年是跌市的年頭，要趁今年入市，最好買紅色股，入齊貨等一兩年會有好回報，如果唔識搵時機，就每月買一注啦。既然我年頭到年尾都在叫人買股，一件汚兩件穢，都唔差在叫埋呢一次啦(當然係等佢調整番多啲時才買，唔係創新高時去追)。
　　
在經濟唔好的環境買股，你買親都會覺得貴，因為經濟大環境仍未完全好轉，但股市一級級咁上，每次都係回得少，升得多，你每次都會有買唔落手的感覺，理智的人會感到恐懼，但在美元急跌，通脹回升的年代，你唔敢投資，手揸住的現金會愈來愈唔見使，有時真係到咗令人心驚的地步。
　　
要供子女在外國讀書的父母就知，已開始有入哂肉的感覺。除美國外，以港人留學三大熱門地英國、澳洲和紐西蘭為例，當地貨幣跌完已急升，英鎊算升得少，今年至今升了14%，紐元升了28%，澳元更升了33%，如果有仔女在澳洲讀書，同年初比，要比多三分之一。
三地之中，以英國倫敦讀書最貴，一年要用40至50萬元，滙價升一成都加咗唔少錢，我有不少朋友有仔女在英國讀書，我同佢地講，一年用50萬，若由中三起就去倫敦讀書，讀到大學畢業要400萬，你諗佢畢業後做幾多年嘢先至可以儲到400萬? 以大學畢業頭10年平均月薪2萬元計，佢交埋稅除埋使用，一個月儲到1萬元經已好叻，10年先至儲120萬，加埋人工，打工20年都未必儲到400萬，仲未計佢讀書唔成變成一條廢柴，所以花400萬供小朋友去英國讀書，可能唔夠用400萬買舊資產送俾佢咁實際。我講完呢番話，老友們通常面都黑埋，話我太市儈，話細路仔讀咗書係一世咁話。唉，我心諗，父母的苦心，個小朋友知唔知? 佢地可能求求其其讀完七八年，都唔知父母用盡自己啲錢供佢出國。我又聽到一個c個案，個仔讀完中七考到香港科大，本來唔錯，但因為佢啲friends全部在英國，所以唔肯返來，搞到阿爸爸阿媽要賣埋間屋至夠錢供佢在英國讀埋3年大學，只係因為「佢啲friends].
　　
講咗咁多題外話，只有一個觀點，在這種市道下，唔係你唔冒險投資就得，在呢啲銀紙貶值的大環境中，你唔投資會好蝕底。而眾多投資中，候大市回吐時買股票，已經係難度最低的投資了。